ԱՄՆ-ն պետք է համաձայնի փոխհատուցել Իրանին անցյալ ամսվա պատերազմի ընթացքում կրած կորուստների համար, հինգշաբթի օրը հաղորդել է Financial Times-ը՝ հղում անելով Իրանի արտաքին գործերի նախարարին։
«Նրանք պետք է բացատրեն, թե ինչու են հարձակվել մեզ վրա բանակցությունների ընթացքում և նրանք պետք է համոզվեն, որ չեն կրկնելու դա (հետագա բանակցությունների ընթացքում)։ Եվ նրանք պետք է փոխհատուցեն (Իրանին) իրենց պատճառած վնասը», - Թեհրանում տված հարցազրույցում ասել է Աբբաս Արաղչին։
FT-ի փոխանցմամբ՝ Իրանի գլխավոր միջուկային բանակցողը նշել է, որ սա պետք է ներառի ֆինանսական փոխհատուցում՝ առանց մանրամասներ հաղորդելու, և երաշխիքներ, որ Իրանը կրկին չի հարձակման ենթարկվի բանակցությունների ընթացքում։
ԱՄՆ-ն անցյալ ամիս հարվածներ է հասցրել Իրանի միջուկային օբյեկտներին, որոնք, ըստ Վաշինգտոնի, միջուկային զենքի մշակմանն ուղղված ծրագրի մի մասն են կազմում։
Թեհրանը պնդում է, որ իր միջուկային ծրագիրը կենտրոնանում է խաղաղ նպատակների վրա և չի մշակում զենք։
Սպիտակ տունը և ԱՄՆ Պետդեպարտամենտը անմիջապես չեն արձագանքել «Reuters»-ի մեկնաբանության խնդրանքին։
