Պաշտոնյաները հայտնել են, որ երկուշաբթի օրը Պակիստանի հարավ-արևմուտքում գտնվող Բելուջիստան նահանգում տեղի ունեցած պայթյունի հետևանքով զոհվել է առնվազն 1 մարդ, իսկ 16-ը՝ վիրավորվել։
Պայթյունը տեղի է ունեցել Փանջգուր շրջանում։ Տարածքում գտնվող ոստիկանության անցակետի պաշտոնյան հեռախոսով հայտնել է, որ միջադեպը «ակնհայտորեն ինքնաշեն պայթուցիկ սարքի պայթյուն է եղել, որը թիրախավորել է Չաթկան Բազարի խաղաղ բնակիչներին»։
Ոստիկանությունն ու անվտանգության ուժերը արագորեն շրջափակել են տարածքը և սկսել ապացույցներ հավաքելու գործողություն։
Տեղական Geo News լրատվական գործակալության տվյալներով՝ երկուշաբթի օրը երկրի հյուսիս-արևմուտքում գտնվող Խայբեր-Պախտունխվա նահանգում Լաքքի Մարվատ շրջանում ցեմենտի գործարանի մեքենայի վրա ուղղված ինքնաշեն պայթուցիկ սարքի պայթյունի հետևանքով մեկ մարդ է զոհվել, ևս ինըը՝ վիրավորվել։
Ոչ ոք պատասխանատվություն չի ստանձնել հարձակումների համար
Միջադեպերը տեղի են ունեցել Խայբեր-Պախտունխվա նահանգում երկու առանձին հարձակումների արդյունքում չորս ոստիկանի սպանությունից մեկ օր անց։
Կիրակի օրը Լաքքի Մարվատ շրջանում ենթադրյալ ահաբեկչական հարձակման հետևանքով մահացե; է 3 ոստիկան։
Անանուն մնալու պայմանով տեղական քաղաքացիական վարչակազմի պաշտոնյան ասել է, որ ոստիկանությունը հարձակումից հետո սկսել է որոնումներ և գործողություններ, որոնց հետևանքով սպանվել է մեկ ահաբեկիչ և վիրավորվել մեկ ոստիկան։
Պաշտոնյան հավելել է, որ գործողությունը տարածքում դեռևս շարունակվում է։
Վերջին տարիներին Պակիստանում ահաբեկչական հարձակումների աճ է նկատվել, մասնավորապես Խայբեր-Պախտունխվայում և Բելուջիստանում։
