Սենատոր Գրեհեմը հայտարարել է, որ Կուբայի «օրերը հաշված են» ԱՄՆ ռազմական գործողությունից հետո, որը Վաշինգտոնը որակել է որպես «լայնածավալ հարձակում» և որի արդյունքում առևանգվել է Վենեսուելայի նախագահ Նիկոլաս Մադուրոն։
«Պարզապես սպասեք Կուբային։ Կուբան կոմունիստական բռնապետություն է, որը սպանում է քահանաներին և միանձնուհիներին, որը հետապնդում է իր սեփական ժողովրդին. նրա օրերը հաշված են։ Մի օր, հուսանք՝ 2026 թվականին, մենք կարթնանանք և կունենանք դաշնակիցներ այս երկրներում, որոնք գործարքներ կկատարեն Ամերիկայի հետ, այլ ոչ թե թմրանյութերով սպանող ահաբեկիչ բռնապետեր մեր բակում», - կիրակի օրը Գրեհեմը լրագրողներին ասաց նախագահ Դոնալդ Թրամփի հետ ճանապարհորդելիս
Շաբաթ օրը Թրամփը հայտարարեց, որ Վենեսուելայի դեմ ԱՄՆ ռազմական գործողությունն ավարտվել է Մադուրոյի և նրա կնոջ՝ Սիլիա Ֆլորեսի գերեվարմամբ. նա նաև խոստացել է պահպանել ամերիկյան վերահսկողությունը երկրի վրա առայժմ՝ անհրաժեշտության դեպքում ամերիկյան զորքերի աջակցությամբ։
Մադուրոն և Ֆլորեսը շաբաթ երեկոյան տեղափոխվել են Նյու Յորք և պահվում են Բրուքլինի կալանավայրում: Զույգը մեղադրվում է ԱՄՆ դաշնային մակարդակով թմրանյութերի ապօրինի շրջանառության և ահաբեկչական կազմակերպություններ համարվող խմբավորումների հետ համագործակցության մեջ։
Մադուրոն հերքում է մեղադրանքները, մինչդեռ Կարակասի իշխանությունները կոչ են արել ազատ արձակել զույգին։
Կուբան կիրակի օրը նաև հայտարարեց, որ իր 32 զինյալներ սպանվել են Վենեսուելայում ԱՄՆ-ի միջամտության ժամանակ. նախագահ Միգել Դիաս-Կանելը հունվարի 5-ը և 6-ը հայտարարել է ազգային սգո օր։
