Ռուսական ուժերը գիշերը անօդաչու թռչող սարքի ինտենսիվ հարված են հասցրել Ուկրաինայի սեւծովյան Օդեսա քաղաքի ուղղությամբ։ Տեղի իշխանությունները հայտնել են, որ հարձակման հետևանքով վիրավորվել է երեք մարդ, վնասվել են մի քանի բնակելի շենքեր:

«Հակառակորդը թիրախավորել է բնակելի թաղամաս Օդեսայի խիտ բնակեցված տարածքում», - երեքշաբթի վաղ առավոտյան Telegram հաղորդագրությունների հավելվածում գրառման մեջ ասել է Օդեսայի քաղաքապետ Հենադի Տրուխանովը։
Նա նաև ավելացրել է հրդեհից տուժած բազմաբնակարան շենքերի լուսանկարները՝ կոտրված պատուհաններով և վնասված ճակատներով։

Տարածաշրջանի նահանգապետ Օլեհ Կիպերը հայտարարել է, որ հարձակման հետևանքով տուժել է երեք մարդ, ովքեր ստացել են բժշկական օգնություն։

Ուկրաինայի ռազմաօդային ուժերը երեքշաբթի օրը հայտնել են, որ Ռուսաստանը մեկ գիշերվա ընթացքում անօդաչու թռչող սարքերով 54 հարված է հասցրել, որոնցից 38-ը խփվել են, իսկ 16-ը չեն կարողացել հասնել իրենց թիրախներին էլեկտրոնային պատերազմի միջոցառումների պատճառով։

Կիպերն ասել է, որ Օդեսայի վրա հարձակումը վնասել է բնակարանները, քաղաքացիական ենթակառուցվածքները, կրթական հաստատությունը և մեքենաները:

Արտակարգ իրավիճակների բրիգադների տարածած տեսանյութերը ցույց են տալիս, որ վնասված շենքերից մեկում մեծ հրդեհ է մարվում:

Օդեսան, որն ունի երեք նավահանգիստ, շարունակում է հաճախակի լինել ռուսական հարձակումների թիրախը Ռուսաստանի հետ ավելի քան երեք տարի շարունակվող պատերազմում։