ԱՄՆ նախագահ Դոնալդ Թրամփը մեղադրել է Հետաքննությունների դաշնային բյուրոյի ՀԴԲ նախկին տնօրեն Ջեյմս Քոմիին և Կենտրոնական հետախուզական վարչությունի ԿՀՎ նախկին ղեկավար Ջոն Բրենանին՝ երկու ականավոր քննադատների, որոնք գտնվում են քրեական հետաքննության տակ, «խարդախության» մեջ և ասել է, որ նրանք կարող են ստիպված լինել «գին վճարել»։
Չորեքշաբթի օրը Քոմիի և Բրենանի դեմ ՀԴԲ-ի կողմից հետաքննություն սկսելու մասին հարցին Թրամփը պատասխանել է, որ ինքը «ոչինչ չգիտի այդ մասին, բացի այսօր կարդացածից»։
Fox News Digital-ը առաջինն էր հաղորդել Քոմիի և Բրենանի դեմ հետաքննության մասին՝ ասելով, որ այն ներառում է «հնարավոր չարաշահումներ», որոնք կապված են 2016 թվականի ընտրություններում Թրամփի հաղթանակին Ռուսաստանի միջամտության պնդումների հետաքննության և Կոնգրեսին արված ենթադրյալ կեղծ հայտարարությունների հետ։
Քոմին և Բրենանը նշանակվել են ՀԴԲ-ի և ԿՀՎ-ի ղեկավարների իրենց համապատասխան պաշտոններում նախկին դեմոկրատ նախագահ Բարաք Օբամայի կողմից, և նրանք վիճելի պատմություն ունեն Թրամփի հետ, որը սկսվում է նրա Սպիտակ տանը առաջին ժամկետից։
Թրամփը չեղյալ է հայտարարել Բրենանի անվտանգության թույլտվությունը 2018 թվականին՝ մեղադրելով ԿՀՎ նախկին ղեկավարին իր վարչակազմի մասին «անհիմն և սկանդալային մեղադրանքներ» անելու մեջ։
Բրենանի պատասխանը
Ավելի ուշ, Թրամփի մեկնաբանություններից հետո, Բրենանը հայտարարեց, որ ինքը ոչինչ չգիտի իր և Քոմիի դեմ հետաքննության մասին, բայց այն որակեց քաղաքական դրդապատճառներով։
Բրենանը նշեց, որ Արդարադատության նախարարությունից, ՀԴԲ-ից կամ ԿՀՎ-ից ոչ ոք չի կապվել իր հետ։
