ԱՄՆ նախագահ Դոնալդ Թրամփը հայտարարեց, որ իր թուրք գործընկեր Ռեջեփ Թայիփ Էրդողանը կարող է դեր խաղալ Ռուսաստանի և Ուկրաինայի միջև պատերազմի ավարտի գործում։
«Էրդողանը կարող է», - երկուշաբթի օրը Եգիպտոսից Սպիտակ տուն տանող Air Force One ինքնաթիռում լրագրողներին ասաց Թրամփը, երբ հարցրել են, թե արդյոք առաջնորդները, մասնավորապես Էրդողանը, կարող են օգնել Ռուսաստանի և Ուկրաինայի միջև պատերազմում։
«Նրան հարգում է Ռուսաստանը», - ասաց Թրանփը։
Երկուշաբթի օրը ավելի վաղ Թրամփը և Եգիպտոսի նախագահ Աբդել Ֆաթթահ ալ Սիսին Եգիպտոսի Շարմ էլ Շեյխ հանգստավայրում հյուրընկալել էին ավելի քան 20 համաշխարհային առաջնորդների, այդ թվում՝ նախագահ Էրդողանին՝ Գազայի հրադադարի համաձայնագիրը ստորագրելու գագաթնաժողովի համար։
Թուրքիան շարունակում է իր ջանքերը՝ 2022 թվականի փետրվարին սկսված ռուս-ուկրաինական պատերազմին վերջ դնելու համար։
Անկարան կոչ է արել Կիևին և Մոսկվային դադարեցնել մարտական գործողությունները բանակցությունների միջոցով, իսկ Թուրքիան պատրաստ է ցանկացած նախաձեռնության, այդ թվում՝ միջնորդության,՝ խաղաղության հիմքը դնելու համար։
Հանդիպում Զելենսկու հետ
Ավելի ուշ Թրամփը հաստատեց, որ ուրբաթ օրը Սպիտակ տանը կհանդիպի Ուկրաինայի նախագահ Վլադիմիր Զելենսկու հետ։
«Կարծում եմ՝ այո», - ասաց ԱՄՆ նախագահը Մերձավոր Արևելքից տուն վերադառնալիս՝ պատասխանելով լրագրողի հարցին, թե արդյոք նա ուրբաթ օրը Սպիտակ տանը կընդունի Ուկրաինայի առաջնորդին։
Ավելի վաղ Զելենսկին ասաց, որ ուկրաինական պատվիրակությունը մեկնել է ԱՄՆ՝ մի շարք հանդիպումների համար, ասելով, որ ուրբաթ օրը կհանդիպի Թրամփի հետ։
«Ես նաև հնարավորություն կունենամ գալ Վաշինգտոն և հանդիպել նախագահ Թրամփի հետ ուրբաթ օրը։ Կարծում եմ՝ մենք կքննարկենք մի շարք քայլեր, որոնք ես մտադիր եմ առաջարկել։ Ես շնորհակալ եմ նախագահ Թրամփին մեր երկխոսության և նրա աջակցության համար», - ասաց Զելենսկին։
Նախագահը պնդեց, որ այցի հիմնական ուշադրության կենտրոնում են օդային պաշտպանությունը և հեռահար հնարավորությունները, որոնք «ուղղված են Ռուսաստանի վրա ճնշում գործադրելուն՝ հանուն խաղաղության»։
