Վերջին անօդաչու սարքերի միջադեպերը և օդային տարածքի այլ խախտումները ցույց են տալիս, որ Եվրոպան կանգնած է հիբրիդային պատերազմի առջև, որին պետք է արձագանքի ավանդական պաշտպանության սահմաններից դուրս քայլերով, - չորեքշաբթի օրը հայտարարեց Եվրամիության հանձնաժողովի նախագահ Ուրսուլա ֆոն դեր Լայենը։
«Սա պատահական ոտնձգություն չէ», - ասաց ֆոն դեր Լայենը իր ելույթում, որը տեղի ունեցավ Ստրասբուրգում՝ Եվրոպական խորհրդարանում։
«Սա համակարգված և աճող արշավ է՝ մեր քաղաքացիներին անհանգստացնելու, մեր վճռականությունը փորձելու, մեր միությունը պառակտելու և Ուկրաինային մեր աջակցության թուլացման նպատակով։ Եվ ժամանակն է դա անվանել իր անունով։ Սա հիբրիդային պատերազմ է»։
Ֆոն դեր Լայենը չնշեց, որ բոլոր միջադեպերի պատասխանատուն Ռուսաստանն է, բայց ընդգծեց, որ ակնհայտ է՝ Ռուսաստանը նպատակ ունի «պառակտում սերմանել» Եվրոպայում։
Եվրոպացի պաշտոնյաները արդեն որոշ միջադեպեր վերագրել են Մոսկվային։
«Ռուսաստանի հիբրիդային պատերազմին դիմակայելը միայն ավանդական պաշտպանության հարց չէ», - նշեց ֆոն դեր Լայենը։
«Սա պահանջում է նոր մտածելակերպ բոլորիս համար։ Մենք կարող ենք կամ հեռու մնալ և դիտել, թե ինչպես են ռուսական սպառնալիքները սրվում, կամ դիմակայել դրանց՝ միասնությամբ, զսպմամբ և վճռականությամբ»։
