Նախագահ Էրդողանը ելույթ է ունեցել Բիթլիսում Մալազկիրտի ճակատամարտի 955-ամյակի տոնակատարության ժամանակ։
«Հաղթողը կլինի մարդկության, եղբայրության ճակատը։ Կլինի խաղաղություն և կայունություն։ Հաղթողը կլինի թուրք ազգը՝ իր 86 միլիոն քաղաքացիներով։ Մալազգիրտի ճակատամարտից մինչև Ստամբուլի նվաճումը, Չանաքքալեից մինչև Ազգային պայքար, ահաբեկչության դեմ պայքարից մինչև հուլիսի 15-ի էպոսը, ես կրկին ողորմածությամբ եմ հիշում բոլոր նահատակներին, ովքեր հազար տարի իրենց կյանքը զոհաբերեցին այս սուրբ հայրենիքի, այս ազնիվ ազգի համար»։ Իր ելույթը սկսելով՝ Էրդողանը նշել է. «Նրանք, ովքեր հետապնդում են նույն ապագան, նույն նպատակը, նույն հույսը, այստեղ են։ Նրանք, ովքեր ուս ուսի են կանգնած՝ թուրքեր, քրդեր, արաբներ, ալևիներ և սուննիներ, այստեղ են։ Թող ոչ ոք չկասկածի։ Մեծ և հզոր Թուրքիայի արշալույսը բացվել է։ Թուրքական դարի կառուցումը սկսվել է։ Երբ մեր «Թուրքիա առանց ահաբեկչության» գործընթացը, որը մենք երկու տարի առաջ ազդարարեցինք Ահլաթից, հասնի իր նպատակին, Աստծո կամքով մեր ազգի առջև կբացվի նոր դարաշրջան։ Արյան վաճառականները կպարտվեն, ահաբեկչությունից շահույթ ստացող օպորտունիստները կպարտվեն։ Մեր աշխարհագրությունը անկայունության մեջ ընկղմող ցեղասպան ուժերը կպարտվեն։ Հաղթողը կլինի մարդկությունը, եղբայրությունը, խաղաղությունը և կայունությունը։ Հաղթողը կլինի թուրք ազգը՝ իր 86 միլիոն քաղաքացիներով։ Թուրքիան և թուրք ազգը, մեր աշխարհագրության բոլոր եղբայրական ժողովուրդների հետ միասին, կհաղթեն։ Մենք գիտենք, թե ում է սա անհանգստացնում։ Մենք գիտենք, թե ում է սա անհանգստացնում։ Ես նրանց ասում եմ. անկախ նրանից, թե ինչ եք անում, դուք չեք կարող մեզ շեղել մեր ճանապարհից։ Դուք չեք կարող խանգարել մեզ միմյանց ընդունել որպես եղբայրներ և քույրեր, որպես թուրքեր, քրդեր և արաբներ», - ասաց Նախագահ Ռեջեփ Թայիփ Էրդողանը։
