Հանրային հեռարձակող ERT-ն հաղորդել է, որ Հունաստանի Կրետե կղզու ափերի մոտ փրկված միգրանտների նավակի վրա 22 մարդ է մահացել։

Նավակը նկատվել է ԵՄ սահմանային գործակալության՝ Frontex-ի կողմից, իսկ նավի վրա գտնվող 26 մարդիկ տեղափոխվել են Կալոյ Լիմենե նավահանգիստ։

Փրկվածները նշել են, որ վեց օր առաջ, երբ նավը լքել է Լիբիան, նավակի վրա եղել է 48 մարդ։

Անբարենպաստ եղանակային պայմանների պատճառով մի քանի օր տևած ճանապարհորդության ընթացքում 22 մարդ մահացել է, իսկ նրանց մարմինները նետվել են ծովը։ Նախնական քննության ընթացքում հայտնաբերվել և ձերբակալվել են երկու կասկածյալ նավավարներ՝ Հարավային Սուդանից, 19-ից 21 տարեկան։