Ռուսաստանը մեղադրում է Ուկրաինային և Մեծ Բրիտանիային «ահաբեկչական հարձակման» մեջ
Մոսկվան հայտարարել է, որ Ռուսաստանի սահմանային Բրյանսկ քաղաքում հրթիռային բաղադրիչների գործարանի վրա ուկրաինական հարձակման հետևանքով մաահցե է յոթ մարդ, իսկ տասնյակները վիրավորվել են։
Ռուսաստանի ԱԳ նախարարությունը չորեքշաբթի օրը դատապարտել է Ռուսաստանի արևմուտքում գտնվող Բրյանսկում տեղի ունեցած մահացու ուկրաինական հարձակումը՝ այն որակելով որպես «ահաբեկչական հարձակում» և մեղադրել Մեծ Բրիտանիային միջազգային իրավունքը խախտելու մեջ՝ ենթադրաբար հարձակման ժամանակ հրթիռներ օգտագործելով։
Նախարարությունը հայտարարել է, որ հարձակման նպատակն էր խաթարել խաղաղության գործընթացի ջանքերը և խթանել հակամարտության սրումը։
Բրյանսկի մարզի նահանգապետ Ալեքսանդր Բոգոմազը չորեքշաբթի օրը հայտնել է, որ հարձակման հետևանքով զոհվել է ևս մեկ մարդ, որի արդյունքում մահացածների թիվը հասել է յոթի։ Բոգոմազը նախկինում հայտարարել էր, որ երեքշաբթի օրվա հարձակման հետևանքով վիրավորվել է 42 մարդ, բայց չէր նշել թիրախը։
Ուկրաինան հայտնել է, որ հարվածել է հրթիռային բաղադրիչներ արտադրող կարևոր օբյեկտի։ Մինչդեռ Մոսկվան մեղադրել է Ուկրաինային քաղաքացիական անձանց դիտավորյալ թիրախավորելու մեջ։