Տեղեկություններ են շրջանառվում, որ ԱՄՆ վարչակազմը պատրաստվում է Իսրայելին վաճառել ընդհանուր առմամբ 2,8 միլիարդ դոլար արժողությամբ 1 տոննա կշռող ռումբեր, որոնք Իսրայելն արդեն իսկ կիրառել է Գազայում։

Հղում կատարելով ԱՄՆ անանուն պաշտոնյայի՝ ամերիկյան ''The Washington Post'' (WP) թերթը հայտնել է, որ ԱՄՆ նախագահ Դոնալդ Թրամփի վարչակազմը պատրաստվում է Իսրայելին զենքի վաճառքի՝ վերջին շրջանի ամենախոշոր գործարքներից մեկին։

Ըստ հաղորդումների՝ ԱՄՆ վարչակազմը հավանություն է տվել Իսրայելին 20 000 հատ MK-84 և 20 000 հատ BLU-117 ռումբերի (որոնցից յուրաքանչյուրը կշռում է մոտ մեկ տոննա) վաճառքին, ինչպես նաև ակնկալվում է, որ նույն փաթեթի շրջանակում կհաստատվի 20 000 հատ I-2000 Penetrator մարտագլխիկների վաճառքը։

Զեկույցում ընդգծվում է, որ խոսքի առարկա հանդիսացող ռումբերի վաճառքի ընդհանուր արժեքը կազմում է 2,8 միլիարդ դոլար. իրականացվելու դեպքում սա կդառնար վերջին տարիների ընթացքում զինամթերքի՝ մեկ գործարքով իրականացված ամենախոշոր վաճառքը։

MK-84 ռումբերը, որոնք հայտնի են իրենց ավերիչ ուժով և բազմիցս կիրառվել են Իսրայելի կողմից (մասնավորապես՝ Գազայում իրականացված ցեղասպանության ընթացքում), առանձնանում են պայթյունի պահին հարյուրավոր մետրերի վրա մետաղական բեկորներ ցրելու, մետաղն ու հաստ բետոնը ծակելու, ինչպես նաև գետնի վրա հսկայական խառնարաններ առաջացնելու ունակությամբ։

2025 թվականին Թրամփի վարչակազմը հաստատեց Իսրայելին 2,04 միլիարդ դոլարի զենքի վաճառքը՝ շրջանցելով Կոնգրեսի կողմից վերանայման գործընթացը։