ԱՄՆ նախագահ Դոնալդ Թրամփը հայտարարեց, որ Իրանի հետ համաձայնության են եկել և ասաց, որ ինքը թույլատրել է Հորմուզի նեղուցի վերաբացումը և ԱՄՆ ռազմածովային ուժերի շրջափակման վերացումը։
Truth Social հարթակում գրառման մեջ Թրամփը գրել է. «Իրանի Իսլամական Հանրապետության հետ գործարքն այժմ ավարտված է։ Շնորհավորում եմ բոլորին»։
«Ես այսուհետ լիովին լիազորում եմ Հորմուզի նեղուցի լիակատար բացումը առանց վճարների և ԱՄՆ ռազմածովային ուժերի կողմից շրջափակման անհապաղ վերացումը», - հավելել է նա։
Թրամփը նաև ազդարարեց ծովային երթևեկության և էներգակիրների առաքումների վերսկսման մասին ռազմավարական ջրային ուղում՝ գրելով. «Աշխարհի նավեր, միացրեք ձեր շարժիչները։ Թող նավթը հոսի»։
Նրա հայտարարության մեջ որևէ մանրամասնություն չի նշվել համաձայնագրի կամ ձեռնարկվելիք միջոցառումների իրականացման վերաբերյալ։
«Անհապաղ և մշտական» հրադադար
Պակիստանի վարչապետ Շահբազ Շարիֆը երկուշաբթի առավոտյան հայտարարեց, որ ԱՄՆ-ի և Իրանի միջև լարված բանակցություններից հետո խաղաղության համաձայնագիր է կնքվել։
«Ինտենսիվ բանակցություններից հետո մենք ուրախ ենք հայտարարել, որ Միացյալ Նահանգների և Իրանի Իսլամական Հանրապետության միջև խաղաղության համաձայնագիր է կնքվել», - գրել է Շարիֆը ամերիկյան X սոցիալական ցանցում հրապարակված գրառման մեջ։
Շարիֆը հավելել է, որ «երկու կողմերն էլ հայտարարել են բոլոր ճակատներում, այդ թվում՝ Լիբանանում, ռազմական գործողությունների անհապաղ և մշտական դադարեցման մասին»։
Շերիֆի խոսքով՝ պաշտոնական ստորագրման արարողությունը տեղի կունենա Շվեյցարիայում հունիսի 19-ին։
