Բանգլադեշի ժամանակավոր կառավարությունը պատվիրել է 25 Boeing ինքնաթիռ՝ Թրամփի վարչակազմի կողմից բանգլադեշյան ապրանքների վրա սահմանված 35 տոկոս մաքսատուրքը նվազեցնելու նպատակով։
«Մեզ անհրաժեշտ են մի քանի ինքնաթիռներ անմիջապես հաջորդ մեկ կամ երկու տարվա ընթացքում։ Բանգլադեշի Biman նավատորմը պետք է մեծացվի», - կիրակի օրը Դաքքայում լրագրողներին ասել է առևտրի նախարար Մահբուբուր Ռահմանը։
Մահբուբուր Ռահմանը ասել է, որ ինքնաթիռների գնման ծրագիրն արդեն ընթացքի մեջ է, և նախկինում համաձայնեցված է եղել Boeing-ի 14 պատվեր։
Մահբուբուր Ռահմանը ԱՍԵԼ Է, որ այլ երկրներ նույնպես նմանատիպ քայլեր են ձեռնարկել: «Հնդկաստանը և Վիետնամը պատվիրել են 100-ական: Ինդոնեզիան պատվիրել է 50: Boeing-ը կմատակարարի իրենց հզորություններին համապատասխան»:
ԱՄՆ վարչակազմի հետ բանակցությունների երկու փուլ արդեն տեղի է ունեցել այս ամիս: Այս շաբաթ սպասվում է, որ Բանգլադեշի առանձին պատվիրակություն կայցելի Վաշինգտոն, որի արդյունքները սպասվում են մինչև օգոստոսի 1-ը։
Ռահմանը նշել է, որ կառավարությունը նաև ցորենի ներմուծման համաձայնագիր է ստորագրել ԱՄՆ-ի հետ, սակայն ընդգծել է, որ «կառավարությունը ոչ մեկին չի ճնշում» ամերիկյան ապրանքներ գնելու համար։
