Թուրքիայի ԱԳ նախարար Հաքան Ֆիդանը զգուշացրել է, որ համաշխարհային կարգի «խորացող կաթվածահարությունը» քայքայում է միջազգային հաստատությունների նկատմամբ վստահությունը և ազգերին մղում դեպի միակողմանիություն՝ ստեղծելով «լեգիտիմության ճգնաժամ»։
Շաբաթ օրը Ստամբուլում կայացած TRT World Forum-ում ելույթ ունենալով՝ Ֆիդանը նշեց, որ աշխարհը ականատես է լինում միաբևեռ կարգից հեռանալուն և այժմ պետք է որոշի՝ «կառուցե՞լ բազմակողմանիության վրա, թե՞ վերադառնալ կործանարար մրցակցության»։
Նախարարը կոչ արեց ստեղծել «ուժեղ և բարեփոխված միջազգային համակարգ», որը հիմնված է գործընկերության և ներառման վրա՝ ընդգծելով, որ «այսօր մեր առջև ծառացած մարտահրավերը կանոնների բացակայությունը չէ, այլ դրանց անհավասար կիրառումը»։
Գազայում հրադադարը մնում է անկայուն
Մերձավոր Արևելքին անդրադառնալով՝ նախարար Ֆիդանը նշեց, որ «լեգիտիմության քայքայումը և համաշխարհային կառավարման կաթվածահարությունը» իր ամենաողբերգական դրսևորումն է գտել Գազայում։
Նախարարը ասաց, որ Թուրքիան, առաջնորդվելով նախագահ Ռեջեփ Թայիփ Էրդողանի տեսլականով, ղեկավարել է «ցեղասպանությունը» դադարեցնելու և արդարությունը խթանելու դիվանագիտական ջանքերը, այդ թվում՝ Գազայի հարցով ԻՀԿ-Արաբական լիգայի համատեղ կոնտակտային խմբի ստեղծումը։
Ֆիդանը Նյու Յորքում և Շարմ էլ Շեյխում վերջերս կայացած հանդիպումները անվանել է խաղաղության ուղղությամբ «կարևոր քայլեր», սակայն զգուշացրել է, որ հրադադարը մնում է անկայուն Իսրայելի շարունակական հարձակումների պատճառով։
Արդար և երկարատև խաղաղություն, կարող է հասնել միայն երկու պետությունների լուծման իրականացման և այն բանի ապահովման միջոցով, որ Գազան կառավարվի պաղեստինցիների կողմից։
