Ուկրաինայի պատվիրակությունը մեկնել է Ժնև՝ փետրվարի 17-18-ը Ռուսաստանի և ԱՄՆ-ի միջնորդությամբ կայանալիք խաղաղության բանակցությունների նոր փուլի համար։ Հայտարարությունը արել է Ուկրաինայի նախագահի աշխատակազմի ղեկավար Կիրիլո Բուդանովը։
«Մենք գնում ենք Ժնև։ Մեզ սպասում է բանակցությունների հաջորդ փուլը։ Ճանապարհին մենք մեր գործընկերների հետ կքննարկենք մեր պատմությունից քաղված դասերը և կփորձենք ճիշտ եզրակացությունների գալ։ Ուկրաինայի շահերը պետք է պաշտպանվեն», - ասաց Բուդանովը։
Այս տարի Ռուսաստանի, Ուկրաինայի և ԱՄՆ-ի մասնակցությամբ եռակողմ անվտանգության խորհրդակցությունների առաջին փուլը տեղի է ունեցել հունվարի 23-24-ը Արաբական Միացյալ Էմիրությունների մայրաքաղաք Աբու Դաբիում։ Այդ բանակցություններում Մոսկվայի պատվիրակությունը գլխավորել է Ռուսաստանի Դաշնության զինված ուժերի գլխավոր շտաբի հետախուզության գլխավոր վարչության պետ Իգոր Կոստյուկովը։
Երկրորդ փուլը տեղի է ունեցել նույն վայրում փետրվարի 4-5-ը։
Կրեմլի խոսնակ Դմիտրի Պեսկովը անցյալ շաբաթ հայտարարեց, որ Ուկրաինայի կարգավորման գործընթացի շուրջ բանակցությունների հաջորդ փուլը նույնպես կանցկացվի եռակողմ ձևաչափով՝ Ռուսաստան, ԱՄՆ և Ուկրաինա, և որ բանակցությունները տեղի կունենան փետրվարի 17-18-ը Ժնևում, Շվեյցարիա։
