Թուրքիայի Պաշտպանության նախարարությունը հայտնեց, որ Թեհրանի և Վաշինգտոնի վարչակազմերը կընդունեն «կառուցողական» մոտեցում՝ ժամանակավոր հրադադարը մշտական դարձնելու և խաղաղության բանակցությունները շարունակելու համար։
«Մենք հույս ունենք, որ Իրանը և ԱՄՆ-ն կգործեն խոհեմ և կառուցողական՝ ժամանակավոր հրադադարը մշտական դարձնելու և բանակցային գործընթացը շարունակելու համար։ Մենք կշարունակենք ամեն տեսակի աջակցություն ցուցաբերել տարածաշրջանում կայունության և խաղաղության հաստատման համար», - ասաց ՊՆ խոսնակ, կոնտր-ադմիրալ Զեքի Աքթյուրքը։
ՊՆ խոսնակ, կոնտր-ադմիրալ Զեքի Աքթյուրքը նաև կրկնել է, որ չնայած շարունակվող բանակցային գործընթացին, միջազգային հանրությունը պետք է պատասխանատվություն կրի Իսրայելի կողմից Լիբանանի վրա շարունակվող հարձակումների և Ղազայում Իսրայելի կողմից իրականացված ցեղասպանությունից բխող հումանիտար ճգնաժամի սրման դեմ։
Այս շաբաթ Ստամբուլում կայացած SAHA 2026 պաշտպանական ցուցահանդեսի ժամանակ ՊՆ Յաշար Գյուլերը հանդիպել է բազմաթիվ օտարերկրյա պաշտպանության պաշտոնյաների հետ, այդ թվում՝ Սոմալիի, Կոսովոյի, Քենիայի, Քուվեյթի, Մավրիտանիայի, Սուդանի և Էստոնիայի գործընկերների հետ։
Նախարար Գյուլերը հայտարարել է, որ այս հանդիպումների ընթացքում Կոսովոյի հետ ստորագրվել է ռազմական ֆինանսական համագործակցության և Քենիայի հետ պաշտպանական համագործակցության համաձայնագիր։
ՊՆ խոսնակ Աքթյուրքը հավելել է, որ ցուցահանդեսի ընթացքում Թուրքիայի զինված ուժերի բարձրաստիճան հրամանատարները հանդիպել են նաև օտարերկրյա պաշտոնյաների հետ։
Աքթյուրքը նաև տեղեկատվություն է տարածել, որ Ռազմաօդային ուժերի հրամանատար, գեներալ Զիյա Ջեմալ Կադիօղլուն մայիսի 11-14-ը կայցելի Պորտուգալիա, իսկ ռազմածովային ուժերի հրամանատար, ադմիրալ Կադիր Յըլդըզը մասնակցում է Մադրիդում կայանալիք 2026 թվականի Եվրոպական ռազմածովային հրամանատարների համաժողովին (CHENS), որն ավարտվում է ուրբաթ օրը։
