Իրանն հայտարարել է, որ ԱՄՆ-ի հետ Թեհրանի միջուկային ծրագրի շուրջ երկխոսությունը «անիմաստ» է, Իսրայելի կողմից իր երկարամյա թշնամու դեմ իրականացված ամենամեծ ռազմական հարձակման հետևանքով՝ մեղադրելով Վաշինգտոնին հարձակումը աջակցելու մեջ։
«Մյուս կողմը (ԱՄՆ-ը) գործեց այնպես, որ երկխոսությունը դարձավ անիմաստ։ Դուք չեք կարող պնդել, որ բանակցում եք, և միևնույն ժամանակ թույլ տալ, որ սիոնիստական ռեժիմը (Իսրայելը) թիրախավորի Իրանի տարածքը»,- ուրբաթ օրը հայտարարել է արտաքին գործերի նախարարության խոսնակ Էսմայիլ Բաղաեին՝ ըստ կիսապաշտոնական Tasnim լրատվական գործակալության։
Նա նշել է, որ Իսրայելը «հաջողեց ազդել» դիվանագիտական գործընթացի վրա, և որ իսրայելական հարձակումը չէր կարող տեղի ունենալ առանց Վաշինգտոնի թույլտվության։
Ավելի վաղ Իրանն ԱՄՆ-ին մեղադրել էր Իսրայելի հարձակումներին մասնակցելու մեջ, սակայն Վաշինգտոնը հերքել էր այդ մեղադրանքը և ՄԱԿ-ի Անվտանգության խորհրդում Թեհրանին ասել էր, որ «խելամիտ» կլինի բանակցել իր միջուկային ծրագրի շուրջ։
ԱՄՆ-Իրան միջուկային բանակցությունների վեցերորդ փուլը նախատեսված էր անցկացնել կիրակի օրը Մուսկատում, սակայն Իսրայելի հարձակումներից հետո պարզ չէր՝ արդյոք այն կկայանա։
Իրանը հերքում է, որ իր ուրանի հարստացման ծրագիրը որևէ այլ նպատակ ունի, քան քաղաքացիական օգտագործումը՝ մերժելով Իսրայելի մեղադրանքները, թե գաղտնի զարգացնում է միջուկային զենք։
ԱՄՆ նախագահ Դոնալդ Թրամփը Reuters գործակալությանը հայտնել է, որ ինքը և իր թիմը տեղյակ էին Իսրայելի հարձակումների մասին, սակայն դեռևս տեսնում են համաձայնության հասնելու հնարավորություն։
