Ինդոնեզիայի Բալի կղզի ուղևորվող լաստանավի խորտակման հետևանքով մաահցել է առնվազն 4 մարդ, ևս 38-ը անհետ կորած են համարվում։

KMP Tunu Pratama Jaya նավը չորեքշաբթի օրը կեսգիշերից առաջ Բալիի նեղուցում խորտակվելիս տեղափոխում էր 65 մարդ, ըստ Սուրաբայայի որոնողական-փրկարարական գործակալության հինգշաբթի օրվա հաղորդագրության։

Մինչ այժմ փրկվել է 23 մարդ, սակայն գործողությունները խոչընդոտվել են ուժեղ քամու, բարձր ալիքների և հզոր հոսանքների պատճառով։

Լաստանավը Արևելյան Ջավայի Բանյուվանգի ռեգենտության Կետապանգ նավահանգստից ուղևորվում էր Բալի կղզու Ջեմբրանա ռեգենտության Գիլիմանուկ նավահանգիստ։

Նախագահ Պրաբովո Սուբիանտոն, որն այժմ այցով գտնվում է Սաուդյան Արաբիայում, հրամայել է անհապաղ արտակարգ արձագանք, հայտարարել է կաբինետի քարտուղար Թեդի Ինդրա Վիջայան։

Նա ասել է, որ վթարի պատճառը «վատ եղանակն» է եղել։