Իրանի արտաքին գործերի նախարար Աբբաս Արաղչին Ղրղզստանում հանդիպել է Ռուսաստանի արտաքին գործերի նախարար Սերգեյ Լավրովի և Պակիստանի արտաքին գործերի նախարար Մոհամմադ Իսհաք Դարի հետ։

Արտգործնախարար Արաղչիի Telegram-ի պաշտոնական էջում տեղադրված հաղորդագրության համաձայն՝ Շանհայի համագործակցության կազմակերպության (ՇՀԿ) արտաքին գործերի նախարարների խորհրդի նիստին մասնակցելու համար Ղրղզստանում գտնվող Արաղչին առանձին հանդիպումներ է ունեցել Լավրովի և Դարի հետ։

Քննարկումները ընդգրկել են տարածաշրջանային և միջազգային հարցեր, ինչպես նաև ԱՄՆ-ի հարձակումները Իրանի վրա։