ԱՄՆ Ներկայացուցիչների պալատն ընդունել է 900 միլիարդ դոլարի Ազգային պաշտպանության լիազորման մասին օրենքը (NDAA), որը սահմանում է Պենտագոնի քաղաքականությունը։

Օրինագիծն ընդունվեց Ստորին պալատի կողմից 312-112 ձայների հարաբերակցությամբ և ուղարկվեց Սենատի քննարկմանը։

3086 էջանոց օրինագծի հիմնական դրույթների թվում են Ուկրաինայի անվտանգությանն օժանդակության նախաձեռնության շրջանակներում Ուկրաինայի համար 400 միլիոն դոլարի հատկացումը և Բաշար ալ-Ասադի գլխավորությամբ սիրիական ռեժիմի դեմ «Կեսարի» պատժամիջոցների վերացումը։

Օրինագիծը նաև Իսրայելին տրամադրում է 600 միլիոն դոլարի ֆինանսավորում, ներառյալ համատեղ հրթիռային պաշտպանության նախաձեռնությունների, ինչպիսին է «Երկաթե գմբեթ» համակարգը, աջակցությունը։