ԱՄՆ ֆինանսների նախարար Սքոթ Բեսենթը փետրվարի 28-ին հայտարարեց, որ իր երկիրն ու Իսրայելը թեւակոխել են Իրանի վրա հարձակումներով սկսված պատերազմի «վճռորոշ փուլ»՝ նշելով, որ իրենց նպատակն է «կտրել տնտեսական կենսական նշանակություն ունեցող յուրաքանչյուր կապ, մինչեւ Թեհրանը կհայտնվի մեկուսացման մեջ»։
Սքոթ Բեսենթը X հարթակում իր էջի միջոցով հայտարարություն է տարածել Իրանի վերաբերյալ։ Պնդելով, որ ԱՄՆ նախագահ Դոնալդ Թրամփը «ոչնչացրել է» Իրանի ռազմական ներուժը, դրա գրեթե բոլոր ռազմական գործարաններն ու միջուկային ծրագիրը՝ Բեսենթն ասել է. «Այժմ մենք մտնում ենք վճռորոշ փուլ»։
«Լուսաբացին սկսվում է տնտեսական հարձակման օրը՝ թշնամու դեմ երբևէ իրականացված ամենախոշոր ֆինանսական հարձակումը», — հայտարարեց։
Բեսենթը պնդում էր, որ Իրանը, որը, ըստ նրա, «իր գոյությունը պահպանում է շորթումը որպես անվտանգության երաշխիք ներկայացնելու միջոցով», պատասխան գործողությունն անխուսափելի է համարում, մինչդեռ ԱՄՆ-ի պատժամիջոցները դիտարկում է որպես բանակցությունների ենթակա հարց։
Նշելով, որ Թրամփի վարչակազմի օրոք այդ դարաշրջանն «ավարտին է հասել»՝ Բեսենթը հավելել է. «Նրանք, ովքեր վախենում են Թեհրանի հետ առճակատման ռիսկերից, չպետք է անտեսեն Վաշինգտոնի համբերությունը փորձության ենթարկելու գինը»։
Սքոթ Բեսենթը հայտարարել է, որ Թրամփը ստեղծել է մի իրավիճակ, որում կկիրառի լիազորությունների և միջոցառումների այնպիսի տեսակներ, որոնց մասին շատերը նույնիսկ չէին էլ մտածել՝ հավելելով. «Մեր նպատակն է կտրել այս անողոք վարչակարգին սնուցող տնտեսական կյանքի բոլոր զարկերակները, մինչև Թեհրանը կհայտնվի մեկուսացման մեջ»։
