Թուրքիան և ԱՄՆ-ն հինգշաբթի օրը ստորագրեցին փոխըմբռնման հուշագիր՝ միջուկային էներգիայի ոլորտում իրենց գործընկերությունը խորացնելու համար։
«Նախագահ Ռեջեփ Թայիփ Էրդողանի Սպիտակ տուն կատարած այցի շրջանակներում երկու երկրները սկսել են մի գործընթաց, որը կխորացնի միջուկային էներգիայի ոլորտում իրենց խոր արմատներ ունեցող և բազմակողմանի գործընկերությունը։ Մենք ԱՄՆ պետքարտուղար Մարկո Ռուբիոյի հետ ստորագրել ենք ռազմավարական քաղաքացիական միջուկային համագործակցության վերաբերյալ փոխըմբռնման հուշագիրը՝ առաջնորդների ներկայությամբ։ Հուսով եմ, որ համաձայնագրի շրջանակներում իրականացվելիք աշխատանքը առաջիկա ժամանակահատվածում փոխադարձ օգուտներ կբերի երկու երկրներին», - թուրքական NSosyal սոցիալական ցանցում հայտարարեց Թուրքիայի էներգետիկայի և բնական պաշարների նախարար Ալփարսլան Բայրաքթարը։
