Թուրքիայի Բալըքեսիր նահանգում երկուշաբթի գիշերը 6.1 մագնիտուդով երկրաշարժ է տեղի ունեցել, հայտնում է Թուրքիայի աղետների և արտակարգ իրավիճակների կառավարման վարչությունը (AFAD): Ցնցումները զգացվել են նաև Ստամբուլում և այլ քաղաքներում:

Երկրաշարժը տեղի է ունեցել տեղական ժամանակով ժամը 22:48-ին (19:48 GMT): AFAD-ը հայտնել է, որ երկրաշարժի խորությունը կազմել է 5.99 կիլոմետր և զգացվել է շրջակա նահանգներում, մասնավորապես Ստամբուլում:

Դեպքի հետ կապված զոհերի մասին դեռևս տեղեկություններ չկան։

«AFAD-ը և այլ համապատասխան հաստատություններ սկսել են դաշտային հետաքննություններ, և հաղորդագրությունները մանրակրկիտ ուսումնասիրվում են», - թուրքական NSosyal սոցիալական ցանցում հրապարակված հայտարարության մեջ ասել է փոխնախագահ Ջևդեթ Յըլմազը։