Սպիտակ տան պաշտոնյաները հայտարարեցին, որ պետքարտուղար Մարկո Ռուբիոն և հատուկ ներկայացուցիչ Սթիվ Վիտկոֆը կմեկնեն Դոհա՝ ԱՄՆ-ն ներկայացնելու համար:
«Իրանը հանդիպում է խնդրել: Հանդիպումը տեղի կունենա վաղը (այսօր) Դոհայում», - հայտարարեց Դոնալդ Թրամփը նաև Truth Social սոցիալական ցանցում։
Այնուամենայնիվ, Իրանը հերքել է այդ պնդումները:
Իրանի ԱԳ նախարարության խոսնակ Ասմայիլ Բաղային ասել է, որ «առաջիկա օրերին Իրանի և ԱՄՆ-ի միջև հանդիպում նախատեսված չէ»:
Բաղային պնդել է, որ այս շաբաթ իրանական տեխնիկական պատվիրակությունը կայցելի Կատար, սակայն այս այցը որևէ կապ չունի ԱՄՆ պաշտոնյաների երկիր կատարած այցի հետ:
Երկու երկրները պնդում են, որ մյուսը խախտել է մոտ երկու շաբաթ առաջ ստորագրված ժամանակավոր համաձայնագիրը՝ չորս ամիս տևած պատերազմը դադարեցնելու համար:
Վերջերս Պարսից ծոցում հարձակումները հաճախացել են։ Կիրակի օրը Իրանը հայտարարեց, որ իր ռազմածովային և օդային ուժերը համատեղ հրթիռային և անօդաչու թռչող սարքերի գործողություններ են իրականացրել՝ ուղղված Քուվեյթում և Բահրեյնում գտնվող ԱՄՆ ռազմական օբյեկտներին, և զգուշացրեց հետագա խախտումների դեպքում կոշտ արձագանքի մասին։
Ժամանակավոր համաձայնագիրը նախատեսում էր, որ Իրանը կկրճատի հարստացված ուրանի պաշարները, մինչդեռ ԱՄՆ-ն կմեղմացնի պատժամիջոցները և կողմերին կտա 60 օր՝ վերջնական համաձայնության հասնելու համար։
Տարածաշրջանում հակամարտությունը անմիջականորեն ազդում է Հորմուզի նեղուցում նավագնացության և համաշխարհային նավթի մատակարարման վրա՝ նպաստելով մեկ ամսից ավելի տևող համաշխարհային էներգետիկ ճգնաժամին։
