Չորեքշաբթի հրապարակված Wall Street Journal-ի զեկույցի համաձայն՝ Պենտագոնը լուռ երկարաձգում է Մերձավոր Արևելքում զորքերի տեղակայումը, մինչ ԱՄՆ նախագահ Դոնալդ Թրամփը ոչ հրապարակայնորեն քննարկում է Իրանի հետ պատերազմի ավարտը հայտարարելու հարցը։

Թերթը հաղորդել է, որ Թրամփն իր բարձրաստիճան օգնականների հետ քննարկել է «Իրանի հետ պատերազմին» վերջ տալու հարցը, և որ դա եղել է նախագահի՝ ըստ հաղորդումների, «նախընտրելի տարբերակը»։ Թրամփը կարծում է, որ տնտեսական ուժեղ ճնշման պահպանումը ի վերջո կստիպի Թեհրանին «կա՛մ դադարեցնել միջուկային ծրագիրը, կա՛մ բախվել փլուզման»։

Անցյալ շաբաթ ԱՄՆ-ը մեկնարկեց «Տնտեսական մեկուսացում» (Operation Economic Outcast) գործողությունը՝ թիրախավորելով Իրանի տնտեսության կենսական նշանակություն ունեցող ոլորտները, այդ թվում՝ նավթի, ծովային փոխադրումների, ավիացիայի, ոսկու, տեխնոլոգիաների և թվային ակտիվների ոլորտները։

Չնայած փակ քննարկումներին՝ Պենտագոնը երկարաձգում է զորքերի տեղակայման ժամկետները, ինչը վկայում է այն մասին, որ պատերազմը կարող է շարունակվել մինչև հաջորդ տարվա ավելի ուշ շրջանը։

Զինվորականները շարունակում են տեղակայել 50 000 զինծառայող և 19 ռազմանավ՝ այդ թվում երկու ավիակիր և կառավարվող հրթիռներով զինված 13 էսկադրային ականակիր, որպեսզի նախագահին ապահովեն օպերատիվ «ճկունությամբ»։