Թուրքիան խստորեն դատապարտել է Իսրայելի ուժերի միջամտությունը, որը ուղղված էր Գազա մարդասիրական օգնություն հասցնելու փորձ կատարող նավատորմի դեմ՝ այն որակելով որպես ծովահենություն և միջազգային իրավունքի խախտում։
«Ազատության նավատորմի» դեմ միջամտությունը, որի կազմում կային նաև թուրք քաղաքացիներ և պատգամավորներ, ցույց տվեց, որ «ցեղասպանական» Իսրայելի կառավարությունը թիրախավորում է բոլոր խաղաղ միջոցառումները՝ սրելով լարվածությունը տարածաշրջանում և վնասելով խաղաղության ջանքերին»,- նշված է Թուրքիայի արտաքին գործերի նախարարության չորեքշաբթի տարածած հայտարարության մեջ։
Անկարան հայտնել է, որ բոլոր անհրաժեշտ քայլերը ձեռնարկվում են թուրք քաղաքացիների ազատ արձակումը ապահովելու համար։ Արտաքին գործերի նախարարությունը նշել է, որ համագործակցում է նաև այլ երկրների հետ՝ նրանց քաղաքացիների հարցում։
Իսրայելը արգելափակել է Գազա օգնության, այդ թվում՝ սննդի և դեղորայքի մուտքը, ինչը, ըստ իրավապաշտպան խմբերի և աշխարհի կառավարությունների, հանգեցնում է սովի։
Նավատորմը փորձում է կոտրել Իսրայելի շրջափակումը և հրաժարվում է բեռները բեռնաթափել Իսրայելի նավահանգիստներում՝ որպես բողոքի նշան Թել Ավիվի ցեղասպանական քաղաքականության դեմ։
