Իրանի առաջնորդ Խամենեիի խորհրդական և Իրանի անվտանգության ղեկավար Ալի Լարիջանին, որը սպանվել էր ԱՄՆ-Իսրայել-Իրան պատերազմի առաջին օրը տեղի ունեցած հարձակման ժամանակ, հայտարարել է, որ Միացյալ Նահանգներն ու Իսրայելը փորձում են մասնատել երկիրը։
«Նրանց խնդիրը... Իրանի հիմնարար փլուզումն էր», - ասել է Լարիջանին շաբաթ օրը պետական հեռուստատեսությամբ հեռարձակված նախապես ձայնագրված հարցազրույցում։
Փետրվարի 28-ին ԱՄՆ-ն և Իսրայելը հարձակումներ սկսեցին Իրանի վրա, որի արդյունքում մահացավ Իրանի գերագույն առաջնորդ Ալի Խամենեին և պատերազմ սկսվեց Մերձավոր Արևելքում։
Ի պատասխան՝ Իրանը անօդաչու թռչող սարքերով և հրթիռներով հարձակումներ իրականացրեց Իսրայելի և տարածաշրջանում ԱՄՆ շահերի վրա։
Լարիջանին պնդել է, որ ԱՄՆ-ն փորձում է Իրանում իրականացնել Վենեսուելայում տեղի ունեցածի նման սցենար։ Նա ասել է, որ Վենեսուելայում, Վաշինգտոնի կողմից Մադուրոյի տապալումից հետո, ժամանակավոր նախագահ Դելսի Ռոդրիգեսը համագործակցել է ԱՄՆ-ի հետ։
Լարիջանին ասել է. «Կարծում եմ՝ ամերիկացիների համար ամենամեծ խնդիրն այն է, որ նրանք չեն հասկանում Արևմտյան Ասիայի, մասնավորապես՝ Իրանի համատեքստը»։
Իրանցի պաշտոնյան հավելել է. «Նրանց ընկալումն այն էր, որ դա կլինի Վենեսուելայի նման. նրանք կհարձակվեն, կվերցնեն վերահսկողությունը, և ամեն ինչ կավարտվի։ Բայց հիմա նրանք իրենք են հայտնվել թակարդում»։
