Թուրքիայի Արտաքին գործերի նախարարությունը դատապարտել է Սիրիայում ԴԱԵՇ-ի անդամի իրականացրած ահաբեկչական հարձակումը, որի թիրախն էին սիրիական ու ամերիկյան ուժերի ստորաբաժանումները։
«Մենք դատապարտում ենք դեկտեմբերի 13-ին Պալմիրայի մոտ պարեկապահակային ծառայություններ իրականացնող սիրիական և ամերիկյան ուժերի նկատմամբ իրականացված ահաբեկչական հարձակումը», ասվում է կիրակի վաղ առավոտյան հրապարակված հաղորդագրությունում։
Թուրքիան ցավակցություն է հայտնել զոհերի ընտանիքներին և նաև Սիրիայի ու ԱՄՆ-ի կառավարություններին՝ ԴԱԻՇ-ի դեմ կոալիցիայում համատեղ գործակցող գործընկերներին։
Նախարարությունը ավելացրել է, որ Թուրքիան շարունակելու է աջակցել Սիրիայի կառավարության ջանքերին՝ երկրի ներսում կայունությունն ու անվտանգությունը ամրապնդելու և ահաբեկչության դեմ պայքար իրականացնելու ուղղությամբ։
ԱՄՆ Կենտրոնական հրամանատարությունը (CENTCOM) հայտնել է, որ ԴԱԵՇ-ի անդամի կողմից իրականացված հրաձգության արդյունքում երկու ամերիկացի զինծառայող և մի քաղաքացիական անձ զոհվել են, իսկ երեք այլ ծառայողներ վիրավորվել են։
