Նախագահ Ռեջեփ Թայիփ Էրդողանի՝ Ստամբուլի բանակցային գիծը վերակենդանացնելու հայտարարությանը ի պատասխան՝ Մոսկվան ազդարարել է ռուս-ուկրաինական պատերազմը դադարեցնելու բանակցությունները վերսկսելու իր պատրաստակամության մասին։
Կրեմլի խոսնակ Դմիտրի Պեսկովը չորեքշաբթի օրը լրագրողներին ասաց, որ Մոսկվան շարունակում է կողմ լինել երկխոսությանը՝ մերժելով այն մեղադրանքները, որ ինքը պատասխանատու է երկարատև ընդմիջման համար։
«Մոսկվան բաց է գործընթացը շարունակելու համար. Մոսկվան բաց է բանակցությունների համար», - «TASS» լրատվական գործակալությանը ասաց Պեսկովը։
Պեսկովը կրկին նշել է, որ ընդմիջումը պայմանավորված է Կիևի ռեժիմի դժկամությամբ։
Չորեքշաբթի օրը ավելի վաղ նախագահ Էրդողանը հայտարարել էր, որ Թուրքիան կարծում է, որ Ստամբուլի գործընթացը կարող է վերսկսվել «համապարփակ շրջանակով, որը կարող է լուծել սուր խնդիրները»։
Նախագահը նշեց, որ Անկարան այս տարի հյուրընկալել է Ռուսաստան-Ուկրաինա բանակցությունների երեք փուլ, որոնց ընթացքում «առաջընթաց է գրանցվել», և կողմերը կարողացել են քննարկել հրադադարի և խաղաղության հարցերը։
Էրդողանը նախկինում հյուրընկալել էր Ուկրաինայի նախագահ Վլադիմիր Զելենսկիին և հայտարարել, որ Անկարան պատրաստ է Ռուսաստանի հետ քննարկել «ցանկացած առաջարկ, որը կարագացնի հրադադարը և կհարթի արդար և երկարատև խաղաղության ճանապարհը»։
