Իսրայելական մամուլում հրապարակված հաղորդագրությունների համաձայն՝ Վաշինգտոնը Իսրայելին և տարածաշրջանային միջնորդներին հայտնել է, որ Գազայի հրադադարի համաձայնագրի երկրորդ փուլը նախատեսվում է սկսել հաջորդ տարվա սկզբին։

Իսրայելական «13-րդ ալիք» հեռուստաընկերությունը չորեքշաբթի օրը մեջբերել է անանուն իսրայելցի բարձրաստիճան պաշտոնյայի խոսքերը. «ԱՄՆ հատուկ ներկայացուցիչ Սթիվ Վիտկոֆը տեղեկացրել է Իսրայելին և միջնորդներին, որ Գազայի համաձայնագրի երկրորդ փուլը կսկսվի հունվարի սկզբին»։

Middle East Monitor-ի փոխանցմամբ՝ Channel 13-ը նաև հավելել է, որ իսրայելցի պաշտոնյաները մտահոգված են, որ ԱՄՆ նախագահ Դոնալդ Թրամփը կարող է անցնել հաջորդ փուլին՝ առանց Գազայի զինաթափման։

Իսրայելը և պաղեստինյան դիմադրության ՀԱՄԱՍ խմբավորումը հոկտեմբերի 9-ին Թրամփի հովանու ներքո և Եգիպտոսի, Կատարի և Թուրքիայի միջնորդությամբ համաձայնության եկան երկփուլ հրադադարի շուրջ։ Սակայն, Գազայի առողջապահության նախարարությունը հայտնում է, որ այդ ժամանակից ի վեր Իսրայելի կողմից հրադադարի խախտման և երկրորդ փուլին անցնելու հետաձգման պատճառով զոհվել է ավելի քան 400 պաղեստինցի։

Իսրայելի կողմից Գազայի դեմ իրականացված ցեղասպանական պատերազմի հետևանքով 2023 թվականի հոկտեմբերից ի վեր զոհվել է ավելի քան 71,000 մարդ, որոնց մեծ մասը կանայք և երեխաներ էին, և վիրավորվել է ավելի քան 171,000 մարդ։