Օսլոյի առևտրի կենտրոնում կրակոցներ. Կասկածյալը ձերբակալվել է
Հարձակումը տեղի է ունեցել Օսլոյի հյուսիսում գտնվող «Storo» առևտրի կենտրոնում։ Մինչ այժմ տուժածների մասին տեղեկություններ չկան։
Նորվեգիայի ոստիկանությունը հայտարարեց, որ Օսլոյի խոշոր առևտրի կենտրոնը տարհանվել է կրակոցներից հետո և կասկածյալը ձերբակալվել է։
«Մենք ուսումնասիրել ենք գրեթե ամբողջ առևտրի կենտրոնը և վիրավորներ չենք հայտնաբերել», - հայտարարեց Օսլոյի ոստիկանությունը երկուշաբթի օրը հրապարակված միջադեպերի գրանցամատյանում։
Դեպքը տեղի է ունեցել Օսլոյի հյուսիսում գտնվող Ստորո առևտրի կենտրոնում։
Ոստիկանության տվյալներով՝ մեկ կրակոց է արձակվել հրացանից։
Դեպքի դրդապատճառը և այլ մանրամասներ դեռևս հայտնի չեն։
Ոստիկանությունը հայտնեց, որ, կարծես թե, հարձակվողը գործել է մենակ, և որ նրանք ձերբակալել են հարձակվողին։
Կասկածյալի ինքնությունը չի հրապարակվել։