Հունաստանի մայրաքաղաք Աթենքում տեղի են ունեցել պաղեստինամետ հանրահավաքներ։ Մասնակիցները կարգախոսներ են վանկարկել՝ մեղադրելով Հունաստանի կառավարությանը ցեղասպանությանը մեղսակից լինելու մեջ՝ աջակցելով Իսրայելին։

Հազարավոր մարդիկ հավաքվել են Մոնաստիրակի հրապարակում, ապա երթով շարժվել են դեպի Սինտագմա հրապարակ՝ կարգախոսներ վանկարկելով։

«Ազատ Պաղեստին» հանրահավաքներ են անցկացվել նաև բազմաթիվ հունական կղզիներում։ 106 տարբեր վայրերում անցկացված ցույցերը բողոքի ակցիաներ էին Հունաստանի կառավարության իսրայելամետ քաղաքականության դեմ։

Միևնույն ժամանակ, Իսրայելը խնդրել է Հունաստանում գտնվող իր քաղաքացիներին թաքցնել իրենց ինքնությունը՝ պաղեստինամետ բողոքի ցույցերի պատճառով։ Իսրայելի արտաքին գործերի նախարարությունը զգուշացրել է Հունաստանում գտնվող իսրայելցիներին «խուսափել ուշադրություն գրավելուց և խուսափել այնպիսի իրավիճակներից, որոնք կբացահայտեն իրենց ինքնությունը»։