«Մեր տարածաշրջանում պատմությունը վերաշարադրվում է։ Թուրքիան իր խաղաղ քաղաքականությամբ առաջնորդում է տարածաշրջանը։ Մենք կհրաժարվենք ամեն ինչից, երբ անհրաժեշտ լինի, բայց երբ խոսքը վերաբերում է մեր հայրենիքին, մեր պետության և ազգի ապագային, մենք չենք խոնարհվի ոչ մեկի առջև։ Այս աշխարհագրական տարածքում մենք այլ տարբերակ չունենք, քան ուժեղ, միասնական և միասին լինելը։ Երբ մենք՝ որպես ազգ, միասնական ենք եղել, երբ ուս ուսի ենք կանգնել, երբ միասին ենք եղել, մենք հաջողությունից հաջողություն, հաղթանակից հաղթանակ ենք անցել։ Մի մոռացեք 955 տարի առաջվա Մալազգիրտի էպոսը. այդպես ենք մենք այն գրել։ Մենք սա արեցինք մեր եղբայրության համար։ Թող բոլորը, թե՛ ընկերները, թե՛ թշնամիները, իմանան, որ մեր տարածաշրջանում պատմությունը վերաշարադրվում է։ Թուրքիան իր խաղաղ քաղաքականությամբ առաջնորդում է տարածաշրջանը։ Ոչ ոք չի կարող դա կանգնեցնել հիմա։ Նրանք, ովքեր կարծում են, որ կարող են սադրանքներով և թակարդներով կանգնեցնել Թուրքիայի և թուրք ազգի օրհնյալ երթը, դատապարտված են հիասթափության», - ասաց նախագահը։
Նախագահ Էրդողանը ելույթ է ունեցել Անատոլիայի նվաճման 955-ամյակին նվիրված «Մալազգիրտ 1071» միջոցառման ժամանակ, որը տեղի է ունեցել Մալազգիրտ ազգային պարկի տարածքում։
