Ռուսական հրթիռը հարվածել է ուկրաինական ուսումնական ստորաբաժանմանը՝ սպանելով երեք զինվորի և վիրավորելով ևս 18-ի:
«Այսօր՝ հուլիսի 29-ին, թշնամին հրթիռային հարված է հասցրել Ուկրաինայի զինված ուժերի ցամաքային զորքերի ուսումնական ստորաբաժանումներից մեկի տարածքին: Չնայած ձեռնարկված անվտանգության միջոցառումներին, ցավոք, հնարավոր չի եղել լիովին խուսափել անձնակազմի կորուստներից։ Ժամը 21:30-ի դրությամբ հայտնի է, որ կան երեք զոհված և 18 վիրավոր զինծառայողներ», - ասվում է ցամաքային զորքերի Telegram-ում տարածված հայտարարության մեջ։
Հայտարարության մեջ չի նշվում, թե որտեղ է տեղի ունեցել հարվածը։
Այնուամենայնիվ, մի քանի ռազմական բլոգերներ ենթադրել են, որ հարձակումը տեղի է ունեցել Չեռնիգովի մարզում՝ Ուկրաինայի հյուսիսային սահմանի մոտ։
Հունիսին Ուկրաինայի կենտրոնական մասում գտնվող մեկ այլ ուսումնական հրապարակում ռուսական հարվածի հետևանքով զոհվել է 12 զինծառայող և վիրավորվել են տասնյակներ։
Այդ հարձակումը հանգեցրել է Ուկրաինայի ցամաքային զորքերի հրամանատարի հրաժարականին, որը հետագայում տեղափոխվել է այլ պաշտոնի։
