Կոլումբիայի նախագահ Գուստավո Պետրոն քննադատել է ԱՄՆ-ի ռազմական միջամտությունը Վենեսուելայում և կոչ է արել միասնության լատինաամերիկյան երկրների միջև։
Պետրոն այս հայտարարությունն արել է չորեքշաբթի օրը՝ Պանամայում Լատինական Ամերիկայի և Կարիբյան ավազանի երկրների զարգացման բանկի (CAF) կողմից կազմակերպված Լատինական Ամերիկայի և Կարիբյան ավազանի երկրների միջազգային տնտեսական ֆորումի բացման ժամանակ։
Վենեսուելայի վրա ԱՄՆ-ի այս ամսվա սկզբին կատարված հարձակմանը անդրադառնալով՝ Պետրոն, առանց ԱՄՆ-ին հստակորեն հիշատակելու։
«Մենք չենք ցանկանում, որ Կարակասը կամ Ամերիկայի որևէ երկիր թիրախ դառնա ո՛չ հյուսիսից, ո՛չ էլ հարավից եկող հրթիռների։ Մեր ժողովուրդները պատմությունն այնպես են ձևավորել, որ մենք պետք է սկսենք մեզ տեսնել որպես լատինաամերիկյան և կարիբյան քաղաքակրթություն՝ բազմազան, չափազանց տարբեր, բայց փոխկապակցված», - ասաց նախագահը։
Միջազգային մարտահրավերներին ուշադրություն հրավիրելով՝ Պետրոն պնդել է, որ տարածաշրջանային ինտեգրացիան միակ միջոցն է թմրանյութերի ապօրինի շրջանառության, կլիմայական ճգնաժամի և հակամարտությունների սրման նման գլոբալ սպառնալիքներին դիմակայելու համար։
«Իսկական հարստությունը կյանքի, բնության, մշակութային բազմազանության և աշխարհին պատերազմին խաղաղ այլընտրանք առաջարկելու ձգտման մեջ է։ Կհամակերպվե՞նք մասնատված և մեկուսացված լինելու հետ, թե՞ կկառուցենք իրական միասնություն», - ասաց Պետրոն։
Ֆորումին մասնակցել են Բրազիլիայի, Պանամայի, Բոլիվիայի, Ճամայկայի, Էկվադորի և Գվատեմալայի պետությունների ղեկավարները, ինչպես նաև Չիլիի նորընտիր նախագահ Խոսե Անտոնիո Կաստը։
