Եվրոպական խորհրդի նախագահ Անտոնիո Կոստան և Եվրոպական հանձնաժողովի նախագահ Ուրսուլա ֆոն դեր Լեյենը Նյու Յորքում ՄԱԿ-ի Գլխավոր ասամբլեայի շրջանակներում հանդիպել են Սիրիայի նախագահ Ահմեդ Շարաայի հետ։
Երեքշաբթի օրը X հարթակում հրապարակված համատեղ հայտարարության մեջ ԵՄ առաջնորդները նշել են, որ Շարաայի հետ «լավ քննարկում» են ունեցել Սիրիայի անցումային շրջանի առջև ծառացած մարտահրավերների վերաբերյալ։
Նրանք վերահաստատել են իրենց աջակցությունը «իրական, ներառական, խաղաղ և սիրիացիների կողմից ղեկավարվող անցումային գործընթացին, որը զերծ կլինի վնասակար արտաքին միջամտություններից»։
«Մենք հանձնառու ենք խորացնել մեր քաղաքական երկխոսությունը, բավարարել անհապաղ հումանիտար կարիքները և աջակցել Սիրիայի սոցիալ-տնտեսական վերականգնմանն ու վերակառուցմանը»,- նշել են նրանք։
Բաշար ալ Ասադը, ով Սիրիայի ռեժիմի առաջնորդն էր գրեթե 25 տարի, անցյալ տարվա դեկտեմբերին փախավ Ռուսաստան՝ ավարտելով Բաաս կուսակցության ռեժիմը, որը իշխանության էր 1963 թվականից։ Հունվարին ձևավորվեց նոր անցումային վարչակազմ՝ ալ Շարայի գլխավորությամբ։
Ասադի հեռացումից հետո Սիրիայի նոր վարչակազմը ձեռնարկել է քաղաքական և տնտեսական բարեփոխումներ՝ խթանելով սոցիալական համախմբվածությունը և աշխատելով ընդլայնել համագործակցությունը տարածաշրջանային և միջազգային գործընկերների հետ։
