Եվրոպական միության (ԵՄ) Կոմիսիան աշխատում է կրճատել Չինաստանի հետ առևտրում օրական մոտ մեկ միլիարդ եվրո հասնող առևտրային բացը:
ԵՄ Կոմիսիայի առևտրի հարցերով անդամ Մարոշ Սեֆչովիչը Politico ինտերնետային կայքին գնահատականներ ներկայացրեց ԵՄ-ի Չինաստանի հետ առևտրի մասին:
Սեֆչովիչը հայտարարել է, որ առևտրային բացը վերացնելու համար պետք է ավելացնել ԵՄ-ի արտադրանքների Չինաստան արտահանումը և նշել է. «Պետք է դիտարկել, թե ինչպես կարող ենք ավելի լավ կառավարել Չինաստանի՝ ԵՄ-ին արտահանումը».
Նա պարզաբանել է, որ ԵՄ-ի եւ Չինաստանի միջև առևտրային խնդիրները երկու կողմերի ձեռնարկած քայլերով լուծելը կլինի հարաբերությունների ապագայի համար ամենաարդյունավետ մեթոդը:
Հիշեցնելով, որ ԵՄ անդամ երկրների առաջնորդները խնդրում են Կոմիսիայից մշակել նոր գործիքներ Չինաստանի հետ առևտրային բացը նվազեցնելու համար, Սեֆչովիչը ասաց, որ մինչև հոկտեմբերի կեսը պետք է ներկայացնեն կոնկրետ արդյունքներ:
Սեֆչովիչը տեղեկացրեց, որ սեպտեմբերի կեսին վիդեոկոնֆերանսով կխոսի Չինաստանի առևտրի նախարար Վան Վենթաուի հետ, իսկ հոկտեմբերի սկզբին կայցելի Պեկին:
Նա նշեց, որ ԵՄ-ի բանակցային պատվիրակությունը այս շաբաթ կոնտակտներ է ունեցել Չինաստանում, հանդիպումները եղել են բաց եւ լուրջ, եւ բոլոր հարցերը քննարկման սեղանին են եղել:
Սեֆչովիչը փոխանցեց, որ ԵՄ-ն ցանկանում է ավելացնել Չինաստան գյուղատնտեսական արտադրանքների, բժշկական սարքավորումների և ավտոմոբիլների արտահանմանը, և ընդգծեց, որ Չինաստանից Եվրոպա արտահանման աճը միայն տնտեսական ցուցանիշներից կամ շուկայի պայմաններից չի բխում, այլ Պեկինի իշխանությունների տրամադրած պետական աջակցության պատճառով խախտվում է մրցակցությունը:
Սեֆչովիչը նշեց, որ եթե Պեկինի հետ տարվող շփումներից արդյունք չստացվի, ԵՄ-ն կարող է լիովին օգտագործել իր առևտրային պաշտպանության միջոցները և ավելի լավ պաշտպանել իր շուկան Չինական ապրանքներից:
Սեֆչովիչը նաև տեղեկացրեց, որ ԵՄ Կոմիսիան նախատեսում է մշակել պաշտպանիչ միջոցներ, որոնք ժամանակավորապես կսահմանափակեն ներմուծումը, երբ արագ աճը վնասում է եվրոպական արտադրողներին, և աշխատում են բազմազանացման այնպիսի գործիքի վրա, որը խթանելու է եվրոպական ընկերություններին նայել այլ մատակարարների կողմը:
Անցյալ տարի ԵՄ-ի և Չինաստանի հետ առևտրային բացը հասավ 360 միլիարդ եվրո՝ գրանցելով մինչև այժմ ամենաբարձր մակարդակը:
Օրեկան միջին հաշվով մոտ մեկ միլիարդ եվրոյին համարժեք այս բացը ստիպել է ԵՄ ղեկավարությանը փնտրել միջոցներ՝ Չինաստանի հետ առևտրային հարաբերությունները վերանշանակելու և հավասարակշռելու համար:
