Իրանի Իսլամական հեղափոխության պահապանների կորպուսի ռազմածովային ուժերը հայտնել են, որ Պարսից ծոցի հյուսիսային հատվածում նավից նավ նավթային բեռի փոխանցում իրականացնող չորս նավ միաժամանակ հարվածի են ենթարկվել և շարունակում են այրվել։

Հեղափոխական պահապանների կորպուսի տարածած հայտարարության մեջ նշվում է, որ հայտնաբերվել են չորս նավեր, որոնք ընթանում էին «չթույլատրված» երթուղիներով. դրանք հայտնաբերվել են նավթի փոխաբեռնման պահին և միաժամանակ հարվածի են ենթարկվել։

Հայտարարության մեջ նաև նշվում էր, որ երեկ գիշեր Հորմուզի նեղուցից արևմուտք երեք նավ բախվել են ծովային ականների, ինչի հետևանքով դրանք հրդեհվել և կանգ են առել։

ԱՄՆ-ին մեղադրելով նավերին ականապատված նեղուցով անցնելու հարցում քաջալերելու մեջ՝ Հեղափոխական պահապանների կորպուսը պնդեց, որ դա հանգեցրել է ծովային պատահարների աճի։

Հայտարարության մեջ նախազգուշացում է արվել Վաշինգտոնի վարչակազմին՝ նշելով, որ եթե ԱՄՆ-ն շարունակի պահպանել այս դիրքորոշումը, ապա հնարավոր պատասխան գործողությունների շրջանակը կընդլայնվի՝ ներառելով նաև տարածաշրջանում գտնվող ամերիկյան ռազմակայանները։