ԱՄՆ նախագահ Դոնալդ Թրամփը պատրաստ է իր ռուս և ուկրաինացի գործընկերների հետ Թուրքիայում բանակցելու համար՝ որպես Կրեմլի արևելաեվրոպական հարևանի հետ պատերազմը դադարեցնելու ավելի լայն նախաձեռնության մաս, հայտարարել է Սպիտակ տունը։
«Նախագահն ասել է, որ բաց է դրա համար, եթե բանը հասնի դրան, բայց նա ցանկանում է, որ այս երկու առաջնորդներն էլ և երկու կողմերն էլ միասին նստեն բանակցային սեղանի շուրջ», - ասել է Սպիտակ տան խոսնակ Կարոլին Լիվիտը։
Այս մեկնաբանությունները հնչել են այն բանից հետո, երբ երկուշաբթի օրը Թուրքիայի նախագահ Ռեջեփ Թայիփ Էրդողանը առաջարկել էր գագաթնաժողով անցկացնել իր և երեք երկրների ղեկավարների մասնակցությամբ։
Կառավարության նիստից հետո նախագահ Էրդողանն ասել է, որ իր «ամենամեծ ցանկությունն» է Ռուսաստանի նախագահ Վլադիմիր Պուտինին և Ուկրաինայի նախագահ Վլադիմիր Զելենսկիին Ստամբուլում կամ Անկարայում հանդիպելը։
«Ես նույնիսկ կցանկանայի ԱՄՆ նախագահ Դոնալդ Թրամփին էլ լինի այստեղ», - ասել է նապագահ Էրդողանը։
«Սա իսկապես հիանալի հանդիպում էր։ Այս հանդիպման արդյունքում, չնայած նախկինում գերիների փոխանակումներ էին եղել, այս անգամ գերիների փոխանակումների թիվը գերազանցեց հազարը։ Հազարից ավելիից բացի, այս գերիների փոխանակումից դուրս Ռուսաստանից և Ուկրաինայից վերադարձվեցին նաև որոշ դիակներ։ Այս թվերը նույնպես շատ մեծ են։ Մենք իսկապես հպարտ ենք դրանով», - ասաց նախագահ Էրդողանը։
Նախագահ Էրդողանը նշեց, որ եթե առաջնորդները հանդիպեն Թուրքիայում, նա կհանդիպի նաև նրանց հետ այս հանդիպման ժամանակ, որպեսզի կարողանանք Ստամբուլը վերածել «խաղաղության կենտրոնի»։
