Ֆիդանը այս խոսքերն ասել է Վաշինգտոնում ԱՄՆ նախագահ Դոնալդ Թրամփի նախագահությամբ անցկացված Խաղաղության խորհրդի բացման նիստում։
«Երկու տարվա տառապանքներից հետո Գազայում հրադադար հաստատվեց ԱՄՆ նախագահ Դոնալդ Թրամփի անձնական միջամտության և մեր համատեղ ջանքերի շնորհիվ։ Այնուամենայնիվ, մարդասիրական իրավիճակը մնում է անկայուն, և հրադադարի խախտումները շարունակվում են։ Հետևաբար, անհրաժեշտ է արագ, համակարգված և արդյունավետ արձագանք։ Նախագահ Էրդողանը շարունակում է հանձնառու լինել Գազայի անվտանգության կայունացմանը և տարածաշրջանի վերականգնմանը։ Թուրքիան արդեն իսկ շատ մեծ քանակությամբ մարդասիրական օգնություն է տրամադրում Գազային։ Մենք կարող ենք նաև զգալի ներդրում ունենալ առողջապահության և կրթության ոլորտների վերականգնման, ինչպես նաև ոստիկանական ուժերի վերապատրաստման գործում: Մենք նաև պատրաստ ենք զորքեր ուղարկել Միջազգային կայունացման ուժերին: Թուրքիան կշարունակի աջակցել ձեր (Թրամփի) ջանքերին՝ ուղղված արդար և երկարատև խաղաղությանը: Մենք հավատում ենք, որ նման խաղաղության հիմքը երկու պետությունների լուծումն է: Եկեք միասին աշխատենք այս նպատակի համար՝ տարածաշրջանի բոլոր ժողովուրդների օգտին», - ասաց ԱԳ նախարար Ֆիդանը։
