Միացյալ Նահանգների նախագահ Դոնալդ Թրամփը հայտարարել է, որ հավատում է, որ ԱՄՆ-ն կարող է «համաձայնության գալ» Կուբայի հարցում։
Թրամփի խոսքերը հնչեցին շաբաթ օրը՝ Կուբա նավթ մատակարարող երկրների վրա սակագներ սահմանելու սպառնալիքից ընդամենը մի քանի օր անց։
Թրամփը վերահաստատեց Կուբային ուղղված իր կոչը՝ բանակցել ԱՄՆ-ի հետ։
«Կարծում եմ՝ նրանք, հավանաբար, կգան մեզ մոտ և կցանկանան համաձայնության գալ։ Կուբայի համար շատ վատ իրավիճակ է։ Նրանք փող չունեն, նավթ չունեն։ Նրանք հույսը դնում էին Վենեսուելայի փողի և նավթի վրա, և հիմա դրանցից ոչինչ այլևս չի գալիս», - ասաց նախագահը։
2025 թվականին Վենեսուելան Կուբայի ամենամեծ նավթ մատակարարն էր՝ ապահովելով կղզու օրական կարիքների մոտ մեկ երրորդը։ Սակայն, ԱՄՆ-ի կողմից նավթի առաքումների շրջափակումից հետո, Վենեսուելայից մատակարարումները նվազել էին դեռևս Նիկոլաս Մադուրոյի առևանգումից առաջ։
Մեքսիկան, որը դարձավ Կուբայի ամենամեծ մատակարարը, երբ Վենեսուելան դեկտեմբերին դադարեցրեց նավթի առաքումները, այժմ քննարկում է նավթի մատակարարումը շարունակելու հարցը՝ վախենալով Վաշինգտոնի կողմից վրեժխնդրությունից։
