Իրանի արտգործնախարարը կիրակի հայտարարեց, որ Թեհրանը այլեւս երկրի տարածքում ուրանի հարստացում չի իրականացնում։
Պատասխանելով Իրան այցելած Associated Press-ի լրագրողի հարցին՝ արտգործնախարար Աբաս Արաղչին տվեց իր կառավարության մինչ այժմ ունեցած ամենաուղղակի պատասխանը իրանական միջուկային ծրագրի վերաբերյալ՝ այն բանից հետո, երբ Իսրայելը եւ Միացյալ Նահանգները հունիսին ռմբակոծել էին հարստացման այդ օբյեկտները։
«Իրանում ոչ մի չհայտարարված միջուկային հարստացում չկա։ Մեր բոլոր հաստատությունները գտնվում են Միջազգային Ատոմային Էներգիայի Գործակալության պահպանության եւ վերահսկողության ներքո», — ասաց Արաղչին։ «Այս պահին հարստացում չի իրականացվում, քանի որ մեր հարստացման հաստատությունները հարձակման են ենթարկվել։»
Իրանի կառավարությունը Associated Press-ի լրագրողին երեքօրյա վիզա տրամեց, որպեսզի նա կարողանա մասնակցել գագաթնաժողովին միասին բրիտանական առաջատար լրատվականների եւ այլ լրատվամիջոցների լրագրողների հետ։
