Ավստրալիայի ոստիկանությունը հետաքննում է, թե արդյոք Քվինսլենդի հյուսիսային նահանգի լողափում մահացած հայտնաբերված կանադացի զբոսաշրջիկը խեղդվել է, թե հարձակվել են երկրի բնիկ վայրի շների՝ դինգոների կողմից։
Ոստիկանության տվյալներով՝ 19-ամյա կինը մահացած է գտնվել երկուշաբթի օրը՝ ընկերներին ասելուց հետո, որ լողալու է գնում Քվինսլենդի ափին գտնվող Կ'գարի կղզում։
«Այս փուլում դեռ վաղ է վերջնականապես ասել, թե ինչպես է երիտասարդ կինը կորցրել կյանքը։ Մենք հետաքննում ենք բոլոր հնարավորությունները։ Լողափով քայլող մարդիկ նկատել են դինգոների խումբը և կանգ առել, ակնհայտորեն նրանք վախեցրել են դինգոներին, ապա գտել են երիտասարդ կնոջ մարմինը», - մամուլ ասուլիսին ասաց Քվինսլենդի ոստիկանության տեսուչ Փոլ Ալգինը։
Շրջակա միջավայրի նախարարությունը հայտարարել է, որ կղզում ազատորեն թափառող վայրի շները խրախուսվել են մարդկանց հետ շփման աճից։ Այս շները հայտնի են մարդկանց վնասելու և նույնիսկ սպանելու ունակությամբ, թեև հազվադեպ, հատկապես, երբ խոսքը վերաբերում է երեխաներին։
